माझ्या कवितांच्या महफ़िलीत तुमचे स्वागत आहे..

लवकरच येत आहेत तुमच्या भेटीला माझ्या कविता.

गीत शेवटीचे…

गीत त्याचे शेवटीचे गात होता

आजही तो का तिच्या शोधात होता ?

ते शब्द होते जगाला जाळणारे

ऐकणारा आज अंधारात होता

मी नव्हतो एकटा भांडावयाला

ध्यास माझा आजही माझ्यात होता

जिंकलेले डाव मी सोडून गेलो

राग त्याचा का तुझ्या डोळ्यात होता ?

मी असामी रोज साधा वागणारा

पेटतो येथे निखारा रात होता

स्वार्थही जपतात येथे धावणारे

कैकयीचा द्वेषही त्यांच्यात होता

शोधण्या कोठे निघालो मी किनारे

तो हिमालय आज रे पाण्यात होता

आनंद माने